記早兩日下晝喺旺角發生嘅一件事。呢件事，即使對於我呢個曾經受過嚴格中國武術訓練嘅人嚟講，都依然係好驚訝嘅。
嗰日，我喺job與job之間有兩個幾三個鐘空檔，咁啱都係喺九龍嗰邊，所以做完第一單，就去咗旺角睇下玩具；睇完，見仲有時間剩，咪諗住搵個地方坐下等時間過囉。
行到去豉油街近通菜街嗰邊，見到以前X記甜品嗰個位開咗間新cafe；我份人鍾意試新嘢，基本上除咗老婆之外，見到咩新嘢都會想試下，咁咪走入去坐下囉。
唔太肚餓，叫杯咖啡飲就夠。老細向我推薦佢杯焦糖海鹽奶蓋咖啡；哦，是但啦。
杯嘢嚟到，的確幾特別，海鹽奶蓋好香，撞落咖啡度好夾；正當我諗住慢慢嘆嘅時候，突然有人拍我膊頭。
我擰轉頭睇下邊個叫我。
原來係一位女士嚟。
佢話：
「乜原來係你呀？我睇個背影仲以為係梁朝偉定金城武添！」
*****我係同伍家謙一樣咁靚仔嘅分隔線*****
以上嘅內容，除咗個餐廳地址、杯咖啡好好飲、同埋我真係好靚仔同有型之外，基本上虛構🤡。間Cafe係我一個識咗廿年嘅老友兼同行，前有線電視體育記者陳漢威 Chan Hon Wai同佢屋企人開嘅。呢個時勢，無論體育界定飲食界都唔易做，各位行經 #豉油街27號，記得入去Aftereightyscafe坐下；即使見唔到梁朝偉同金城武，都起碼有機會見到我。好嘞就算見我唔到，都最少要見識下佢嗰個有龍蝦嘅All Day Breakfast、好味窩夫同埋意粉，仲有唔揸咪改揸咖啡機嘅阿威親自沖嘅咖啡添🎉
#AfterEightys
Search